ابو محمود
13-10-2007, 07:51 AM
العيد عاد وهب نسناس الانسام
الله علينا بالعوافي يعيده
الله يعيده كل عام بثر عام
ويجعل لنا كل الليالي سعيده
اعيادنا عيدين في دين الاسلام
شعاير نصت عليها العقيده
فيها التواصل والوفا بين الأرحام
وفيها تجود اهل الخصال الحميده
وفيها الكريم يمد عونه للايتام
ويعطي ضعيف الحال مال يفيده
كم واحدٍ من وقته الشين منظام
ويلقى تعاطف جم في يوم عيده
واجب نحث النفس ونحث الاقدام
ونمشي على يمه والاريا سديده
ما احدٍ ضمن جور الليالي والايام
ولاجت لنا الدنيا على ما نريده
راع المثل قد قال ما طاب مادام
ذي زبده المعنى وبيت القصيده
من ساعد المحتاج يلقاه قدام
في يوم الخالق يجازي عبيده
يلقى رضى رب له الخلق صوام
ومن كل خير وكل لذه يزيده
واللي مسك ماله بلا شك يلام
لا مات والله ما يفيده رصيده
أحمد بن سعود الحمد - الزلفي
الله علينا بالعوافي يعيده
الله يعيده كل عام بثر عام
ويجعل لنا كل الليالي سعيده
اعيادنا عيدين في دين الاسلام
شعاير نصت عليها العقيده
فيها التواصل والوفا بين الأرحام
وفيها تجود اهل الخصال الحميده
وفيها الكريم يمد عونه للايتام
ويعطي ضعيف الحال مال يفيده
كم واحدٍ من وقته الشين منظام
ويلقى تعاطف جم في يوم عيده
واجب نحث النفس ونحث الاقدام
ونمشي على يمه والاريا سديده
ما احدٍ ضمن جور الليالي والايام
ولاجت لنا الدنيا على ما نريده
راع المثل قد قال ما طاب مادام
ذي زبده المعنى وبيت القصيده
من ساعد المحتاج يلقاه قدام
في يوم الخالق يجازي عبيده
يلقى رضى رب له الخلق صوام
ومن كل خير وكل لذه يزيده
واللي مسك ماله بلا شك يلام
لا مات والله ما يفيده رصيده
أحمد بن سعود الحمد - الزلفي