يا ليت

[ابو محمود]

ما عدت انا والشعر ربعٍ ولا اصحاب

ما عدت ابيه وما اظنه يبيني

للشعر باب وصك في وجهي الباب

وبان انكساري في ملامح سنيني

يا ما فقدت احباب وخانوني احباب

اسكنتهم قلبي وعضوا يميني

من ظلمهم ما يحتمل شعري كتاب

وتغلبني الذكرى وانا اهزم حنيني

كنت ارسل اشواقي لهم دايم اسراب

اسقيتهم دمي ومن ماي عيني

كانت رموشي ستر وضلوعي حجاب

قدمت قلبي في وسط راحتيني

لهم حفرت صخور واطعمهم اعناب

اضحك لهم والحزن ساكن جبيني

وفجأه صحيت وشعر راسي انا شاب

من صدمة اللي رفعتهم يديني

وامسيت اشيل هموم والهم غلاب

والفرح وينه عن حياتي وويني

ومن يومها والقلب من ها الشعر تاب

لأني نخيته بس ما حس فيني

كنت الطفل والشعر لي كومة العاب

كان الوحيد اللي يحس بونيني

يا ليت شعري وقت ما احتاجله طاب

ليته فهم قصدي وريح انيني

وياليت برد حرة ضلوع واهداب

وليته مثل أول يجي يحتويني

أمواج الصحارى

[عبادي السبيعي]

أخي ابو محمود

قصيدة مميـــزة

يعطيك الف عافيه وبانتظار الجديد,

دمت بود,

[ابو محمود]

مشكـــــــــــــــــــــــــــــــــــــــــــــــ ـــــــور