تلويحة ...وداع

[ابو محمود]

يا جهور الصوت لا عاد تجهر به

لا تزيد هموم قلبي وغربالي

كان عندك علم يا طير بشربه

والله إني من ضحى ضايق بالي

من زمانٍ يتعب اللي يفكر به

يقصي الأجواد ويعز الأنذالي

يا حمد قل للردي ما نبي قربه

ما تعنزنا به أول ولا تالي

إن توكلنا على فارج الكربه

وإن تعنزنا على طيب الخالي

وإن غزينا ننقل السيف والحربه

وإن قعدنا مقعد العز منزالي

من يخاف من الظما ينقل القربه

ومن يشب النار يصبر على الصالي

ما لقيت أحسن من الخير تذكر به

ولا لقيت أفضل من المنزل العالي

ولا لقيت أثقل من الدين والغربه

والخطا لا صار من واحد غالي

وإن لقيت اللي على نافخ ذربه

أتغاضى عنه وأروح في فالي

والردي لا هازني معلن حربه

تركه أبرك لي وتجنيبه أشوى لي

والخوي لا بار مانيب أشهر به

خايفٍ من هرج شامت وعذالي

رحت في دربي وهو راح في دربه

العطا والرزق عند الله الوالي


(الجزيره )

[عبادي السبيعي]

قصيدة رائعة وإبداع من نوع آخر..

صح لسان قايلها.

.ولاهنت أخي ابو محمود على الاختيار المميز..

دمت متألقـــا" دائماً...

[ابو محمود]

مشكور عزيزي .