" كم تمنيت إن عندي مثـل مـال الوليـد "

[سلام]

أستعنـت الله وأبـدا بنظمـك ياقصيـد=داملي في ساحة الشعـر دربٍ أسلكـه

ودام عقب العمر لابد من يـوم الوعيـد=أستغل الوقت والوقـت كلّـه معركـه

فإن قدرت أغلب زماني فأنا راسي عنيد=وإن غلبني قلت كـل النشامـا تدركـه

الزمن ماهو بلعبـة قـوى ولاّ حديـد=الزمن يكوي على الخشـم ولاّ يفركـه

من يقول أخطيت ينطق وأنا علمي أكيـد=عندي الشاهد دلايـل ماهـي بمفبركـه

صورة الواقع توضح لأبـو قلـبٍ بليـد=بإن حياتك يابن آدم سـوات الجمركـه

فإن كسبت الطيب منها تفيـد وتستفيـد=وإن تعمدت الفسالـه جميلـك تتركـه

وإن حفظت فروض ربّك يجي رايك سديد=مايهمك راي مشـرك وراي المشركـه

تدري إن الله خلقنـا وحنّـا لـه عبيـد=كلنـا نـدرك وحتـى المغفـل يدركـه

فيه جنّـه فيـه نـارٍ تـدور للمزيـد=وحظ من يسلك طريق الصواب ويمسكه

من يحب الزود ينقص ولايمكـن يزيـد=ومن ذبحه البخل يكره فعـول الهنتكـه

ومن يدور للسعاده يبـي يبقـى سعيـد=القناعه كنـز مبسـوط منهـو يملكـه

قلتها لانـي بتاجـر ولاعنـدي رصيـد=لكن مجرّب وخايـف طريـق التهلكـه

كم تمنيت إن عندي مثـل مـال الوليـد=وإن نصيبي خمسة أبراج مثل المملكـه

وأثرني مهبول وأسعى على شيٍ بعيـد=مثل من قال أمتلكته وهو مـا يملكـه

++
سعد بن عدال

[عبادي السبيعي]

الله ما أجملها من قصيدة

فيها من الحكم الشيء الكثير

ولكن لدي ملا حظة على البيتين الأخيرين


كم تمنيت إن عندي مثـل مـال الوليـد


وإن نصيبي خمسة أبراج مثـل المملكـه


وأثرني مهبول وأسعى على شـيٍ بعيـد


مثل من قال أمتلكتـه وهـو مـا يملكـه




أرجو أن لا يكون ذلك في عدم الر ضى بقضاء الله

صح لسان الشاعر وتسلم يدينك أخوي سلام على الإختيار الرائع

احترامي لك

مع أطيب المنى

[سلام]

أرجو أن لا يكون ذلك في عدم الر ضى بقضاء الله

صح لسان الشاعر وتسلم يدينك أخوي سلام على الإختيار الرائع

احترامي لك

مع أطيب المنى
++
اهلا بك اخي عبادي00
الشاعر يتمنى اخي 00 ان يرزقه الله00مثل الوليد
واعتقد ان التمنى شيء جائز وحق للجميع00
تمنياتي لك بدوام الصحة0